Changemaker Bergen

Changemaker Bergen jobbar med dei grunnleggjande årsakene til fattigdom og nød

Changemaker er Norges største bevegelse for unge menneske som ynskjer å bruke noko av fritida si på nord/sør spørsmål. Changemaker Bergen er mellom dei største og mest aktive studentorganisasjonane ved UiB innanfor dette feltet. Changemaker meiner det er grunnleggjande galt at den rike delen av verda som utgjer 20% av befolkinga forbrukar 80% av jordas totale ressursar. Samstundes meiner Changemaker at det nyttar å jobbe med spørsmål knytt til denne problematikken, det har me bevist, og har som motto: Klart me kan forandre verden!

Me har eit slagord i Changemaker. Kunnskap utan handling er feigt, men handling utan kunnskap er også dumt. Me i Changemaker Bergen tek tak i kompliserte Nord/Sør spørsmål. Me søker heile tida kunnskap om slike spørsmål for å vere best mogleg rusta i kampen for ei rettferdig verd. Fyrst når me kjenner samanhengane som fører til urettferdigheten kan me gå til handling.